​Op 'n koshuisdans - laat in een nag,
Jean-Marié en Jardo, nog net ’n gesig, ’n glimlag. 
Nie mekaar se metgeselle vir die groot party,
maar toe hulle dans, begin verliefdheid gedy.

Na die dans het die geselsies begin...
Koffie en lag, ’n nuwe vreugde soos min.

​

Jardo, met ’n geheimpie, ’n plan in sy hart,
het sy koshuiskamermaat gevra om vir sy part
'n ‘blind date’ te reel met die meisie so mooi 
Deur haar kastig na hul dinee te nooi….

​

Van hierdie plan het Jean-Marié niks gewis,

maar was sy betower - dit is gewis. 

En daar -net daar- het alles begin.

'n Nuwe liefde is ontgin.

​

Baie laataandgeselsies, visvang, kamp, wyn en lag. 
'n Sterker band met elke dag. 

​

Op die Cliffs of Moher, op 'n yskoue dag. 
Kon Jardo net nie langer wag...

Met 'n ring in sy hand, ’n belofte in sy hart,
het hy gevra en sy gese ‘JA!’

Nou begin 'n opwindende reis,
met oorvloed in liefde as die grootste prys.​